الرئيسية
أحدث الصور
من طرف ameen1990 الجمعة أكتوبر 02, 2009 6:42 pmمرحبا ترحيبه ما بعدها ترحيبه
اتمنى تكونوا في تمام الصحه والعافيه
وهم اتمنى لٍ لك طالب التوفيق في الدراسه
ولكل موظف الله يعينك على زحمه المدارس
ولكل عاطل الله موجود وتصبر يالغالي
المهم يالغلا
اليوم حبيت اجيب لكم قصيده لشاعر حمد الدليهي
وهي عباره عن محاوره بينه وبين سيارته (( الجمس ))
وبصراحه عجبتني مرررررره
وحبيت اشاركم فيها
والقصيده تقول
الدليهي
ماعاد لك ياجمس في خاطري كرت من يوم ساقوك الغشم والوراعين
انااشهد اني مـنك عـزلـت دبـرت ماعـاد اطالــع فيـك ابطـارف العين
GMC
الله واكـبر يـالـدلـيهي تـكـبــرت خـلـيـتني شـفـقن بـركب السيادين
ماهو بحق اليوم عـني تـنـكرت تلعبي الورعان وســـط الــبلاديــن
الدليهي
جار الزمن ياجمس فيك وتعثرت ولانـسـيـتـك يــوم جـمع الـمـحـبـين
واليوم روح كنك اليوم مـاصرت لاصار وقتك يجـمع الـزيـن والشين
GMC
اذكر زمـان فـات كـانـك تذكـرت حكمك علي حكم الرجال السـلاطـيـن
اسرفت فيني يالدليهي واسرفت اسرفت بي سرف اليـهـود بفلـسطين
الدليهي
فكرت في مافات ياجمس فكرت عديت نفسي مــن حســاب الـخبالين
كم مرة ضيقت صدري وبنشرت والناس ماتاقف على الـدرب ماشيـن
GMC
كم مرة فيـهـا زعـلـت وتكـدرت وسريت بي فالـلـيل والناس مـمسين
في مطلبك يالخالدي ماتــعذرت رفيق صافي لك على العسر واللـيــن
الدليهي
هيهات كم مره علينا تبـعثرت وكم ورشة فيها مضالـك اسـبوعين
هذي طبوعـك كـلها ماتغـيرت غربلتني وذهبتني ديـــــن في ديــــن
GMC
يعني خلاص تقول يالخالدي برت يوم انزلوا بالــمدن كــل البــداوين
ياما وردت العـد وامـرار صـدرت على الوعر تعشيق من ثالث اثنين
وسط الغماره مع وليفك تـخدرت وبدر الغريب يجاوب الصوت صوتين
الدليهي
يالعنبوك اسكت تراني تفجرت وكل العلوم الماضيه جبـتهــا منــيـن
خلاص انا قررت شاريك قررت وكل السوالف خلها فيك بــعــديــــن
بذبــح بدل حلفي كرامه وكفرت والناس لوتزعل انـاوانــت راضــين
تمشي بي الدنيا وانا ماتطورت ابيع واشري جمس خلفه قزوزيييين
ارجوا القصيده نالت اعجابكم ....
محبكم
امــــيــن
