TIME OUT

ثقافة - متعه - كل ماتحتاجه في حياتك من معلومات ومرح وفائدة


    الموظوع مهم وواقعي

    شاطر
    avatar
    قايد الريم
    عضو مبتدء
    عضو مبتدء

    الاسد الثور
    عدد المساهمات : 14
    نقاط : 23
    تاريخ التسجيل : 11/09/2009
    العمر : 33

    الموظوع مهم وواقعي

    مُساهمة من طرف قايد الريم في الجمعة سبتمبر 11, 2009 12:38 pm

    كلام جميل

    كان يا ما كان

    قبل ثلاثة ايام

    افتح ايميلي واشوف رساله من قروب مشهور... صور لبنات ويتفاخرون انهم سعوديات ..!

    السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

    مثال ..

    صورتين

    لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..

    ومنزلين البنطلون..ونص البتاع طالع..


    قله الحيا هذي مهيب مقبوله!!

    كيف وصلنا لهذي الدرجه من فراغ الاخلاق . ؟؟


    الصيف اللي راح.. للأسف غلطنا ورحنا مصر .. وما ادراك ما مصر ..

    مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه

    صراحه!!

    ويلومننا ليه نكره الدول العربيه!


    رحنا لمطعم سقيم..طلع فيه واحد عالستيج.. ومسك المايك وقال

    ((احلى تحيه لشعب السعوديه))

    وتصفيييييييييق..!!


    ....


    ارجع الحين لصلب الموضوع..

    ليش صرنا نشوف صور كثيره.. وعناوين الصور

    ((سعوديات..سعوديات..سعوديات))


    لو نتفرج عالصور..


    نلقى رجول..


    نلقى جزم!


    نلقى اساور خضرا<<يعني ترا حنا سعوديات..



    والفيس بوك عاد..والهاي فايف.. انواع الصور اللي مدري وش اقول عنها


    شفايف..


    * * *...

    عيون..


    ونادر ما تلقى وحده حاطه وجهها..



    على فكره.. اللي تحط صوره وجهها,, محترمه اكثر من اللي ترزز اشياء ثانيه!!



    يعني عشانكم تتغطون..تروحون تصورون ذا الصور..!


    تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

    مضحك مر فيه..موقف مؤثر..


    او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


    اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


    ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

    وش هالفضاوه في العقل لدرجه انكم تصورون يدينكم.... رجلينكم..
    ولا
    ((شنطكم الماركه))..


    يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

    يمكن شكل الصوره حلو..


    بس ان الوحده تجي تصور مقفاها.. هي وخوياتها.. وكاشخه بالجي سترينق!!

    والمنتديات والقروبات السعوديه تتسابق لنشرها ..


    بعدين انتي ياللي مصوره انتي وخوياتك..


    يعني انتي همك الوحيد ما يشوفون وجهك عشان محد يعرفك..


    بس مقفاك.. شفايفك.. و* * * *...... عادي يشوفونه ؟


    لأن المهم عندك الناس.. موب الله ...!!


    طيب صورتك قدام نفسك.... ما تهتز انك سويتي شي حقير ووضيع مثل هالشي؟؟


    اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟


    عيب يعني...... يعني عشانكم بنات مع بعض عادي تورون بعض يعني؟؟


    ولا اقولكم..انا نسيت انكم ناشرين الصور للشباب..... فما يهمكم البنات..!



    يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



    ودي اعرف امك..وابوك..وش بينظرون لك بعد ذي الصور؟؟

    حرام..اهلكم ربوكم احسن تربيه..

    بس انتم للأسف ما ربيتوا انفسكم..

    فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



    ولا قروب ثاني سعودي برضه... ..والصور اللي ناشرينها..


    ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


    طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!



    طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..


    اللي همهم نوم واكل.. ..وفلوس ياخذها من ابوه ولا امه!



    تطوروا شوي.. ارتقوا شوي..اطلعوا بصوره احلى من كذا..



    انتم عارفين ان النت اكبر وسيله انتشار..


    قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم..

    طبعا موب اسماء حقيقه.. !

    بس شوفوا الصور انتم!! affraid
    شفايف و اساور وشنط و* * * *
    ومدري وشو..
    علقوا على هالشي باننا متكمكمين بعبايتنا

    عشان كذا نروح عن انفسنا بهاذي الطريقه..


    ما تستحون؟؟ صوركم قدام انفسكم!؟ ما تهتز؟؟


    انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..


    ليه بس تنشرون الشي الشين؟


    انواع المقاطع الشينه تنتشر.. انواع الصور الشينه تنتشر..


    ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

    المسلمين!



    اقولكم شي؟

    شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من

    الناس..

    بس تدرون ان الكتاب تترجم لاكثر من 22 لغه؟؟

    تدرون انهم برا يدرسون الكتاب ..

    فيه دوله من الدول يدرسونه؟؟ تخيلوا؟؟

    يا حلّو الثقافه اللي يتثقفونها بس ..!!

    يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في

    سلبيات,,!,,

    مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه

    والسياسيه الاجتماعيه في هذيك الفتره..

    هم يدرسون (بنات الرياض) لتمثيل المجتمع السعودي!
    ااااخ بس

    انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه

    بعيني عندنا..

    وكل اللي سووا عليه ضجه.. هذولي يبون يعترضون لمجرد الاعتراض..


    ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

    ليه تنكرون كل اللي بالقصه وانه موب موجود!

    الا موجود ونص والدليل هاللي نشوفه بالنت والسوق والجامعه وكل مكان!

    شلون الواحد يصلح مجتمعه؟؟

    بأنه يغطي على اغلاطه ولا يحكيها عشان ما ينفضح قدام الاجانب والناس!


    بس عادي يدشرون ويخربون وكل شي.. بس ما ينتشر عنهم شي!


    ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم

    سعوديين.... ناس طاهرين!


    غلط ! كل دوله بالعالم فيها الصالح والطالح..

    البيت الواحد فيه الصالح والطالح..


    ما تحبون احد يحكي فيكم ابد.. بالرغم من كل الاغلاط بحياتكم..


    قبل فتره سمعت انهم رحلو هشوم الرياض.. الى ديرته الحقيقه

    (سوريا)

    وانه لا يمت للشعب السعودي بصله!

    كأن ما عندنا سعوديين من هالجنس!!

    ===============
    ليه ما تصلحون ايميلات تعود لكم بالفايده؟

    وتحسن سمعتكم!

    وتظهر الجانب الحلو في كل سعودي وسعوديه؟


    بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!

    ==================

    شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..

    تدرون لو باعوا السمك.. كم يبيجب لهم؟ تقريبا 4 الاف ريال ....

    بس هم كانت نواياهم اهم من الفلوس..

    اخذو السمك وودوه لمنطقه فيها ناس فقرا.. وتصدقوا به..

    ====================
    برضو حمله تبرعات الراجحي..

    ترى اكثر من تبرع فيها شباب..


    يعني فيه ناس تشتغل.. فيه ناس عندها اهداف.. تفكر صح

    موب بس بالنت.. حتى برا النت,,

    سواء بنات او شباب..

    نبغى جيلنا السعودي الجديد ينتشر عنه كل شي حلو..

    انا ما اقول انكم ما تنبسطون... بس برضه بحدود..


    موب عشانكم ورا الشاشات .... الأمر يعني عادي؟؟


    (هياط ورا الشاشه = مرض)


    الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..


    اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار

    هالظاهره..لأن التقليد عندنا اعمى!!

    ======================
    وابي اتطرق لموضوع دخل فجأه معاي ..
    بس لازم اعلق عليه(( فضيحه بنت .. الخ)) هالنوعيه من الصور

    والفيدوهات.. ترا عليكم اثم لو نشرتوها..

    حرام.. يعني ما تخافون من ربي؟؟

    اولاً نشرت شي حرام. ثاني شي ما سترت على بنت او ولد الناس..

    ما تخاف ربي يفضحك بشي بعد سنه او 2 او 100!!


    قال الرسول صلى الله عليه وسلم

    (من ستر على مؤمن بالدنيا,,ستر الله عليه بالاخره)

    اتمنى ان موضوعي هذا ينتشر بنفس الطريقه اللي انتشرت فيها هالصور..


    يهمني الموضوع ينتشر في المنتديات السعوديه.. اكثر من المنتديات العربيه..
    واتمنى انكم ترسلونه لااكثر من ايميل..

    لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..

    ابغى اذا احد قال((احلى تحيه لشعب السعوديه)) وعادها 6 او 10 مرات..

    اعرف ليه قالها.. واقول معي حق اني اصــفــــــق..

    تعليق :

    واعرف من فضل الله ان الغالبية العظمى من المجتمع السعودي بعيدة عن هذه الأمور....انشرها راح تكون ساهمة بتعديل مجتمعنا السعودي...ولك الاجرانشاء الله..
    والله يحفظ بناتنا وعيالنا




    avatar
    WaiIieM
    مدير المنتدى
    مدير المنتدى

    العذراء الثعبان
    عدد المساهمات : 287
    نقاط : 377
    تاريخ التسجيل : 05/09/2009
    العمر : 29
    الموقع : اللملكة العربية السعودية

    رد: الموظوع مهم وواقعي

    مُساهمة من طرف WaiIieM في السبت سبتمبر 12, 2009 12:21 am

    قايد الريم ..

    اشكرك على البدايه القويه داخل المنتدى
    وفي الحقيقه ان الكلام الي قلته كله معبر ويصب في الصميم وسط مجتمعنا العربي

    فنحن أصبحنا نعاني من إنهيار أخلاقي بين شبابنا وبناتنا .. وفي كل عام يتزايد هذا الانهيار .. وبرأيي الشخص أن السبب هو (لغة الفرض الدائمه) فنحن في المجتمعات العربيه والسعوديه تحديدنا نعاني من تقشف الحريه و الإختياريه ..

    فلغة الفرض هي السائده في مجتمعاتنا

    ليتضح الامر أضرب أمثله لكم : في المنزل تتصدر الأوامر من الأهل بشكل كبير

    فالأب يأمر إبنه أن يفعل كذا وكذا دون الإستماع له او الأخذ برأيه
    الأم تقوم بأمر إبنتها وبنفس الطريقه (افعلي , لا تفعلي , إياكي , ياويلك)

    كل هذا يسبب ضغوط نفسيه وانعدام للحريه مما ينتج عنه انفجار

    والانفجار يحتمل الوجهين إما وجه إيجابي أو سلبي ... وفي الأغلب سلبي

    نحن نفتقد للغة الحوار والإقتناع (لذا نعاني من ان جميع تصرفاتنا تكون مراعاة للآخرين)

    لدرجة أننا وصل بنا الحال بأن نربي أبنائنا على أن لا يخافو من الله ولكن يخافو من المجتمع

    والأعظم أنهو حتى في الخير .. فالآمر بالمعروف لا يأمر بالمعروف خشية من أن يُسخر منه

    كل هذه الضغوط التي نمر بها تؤدي الى الإنهيار الأخلاقي وهي سبب ركيزي
    انا هنا لن أقول الوازع الديني ضعيف او ما إلى ذلك

    فقد يكون أصحاب هذه الحركات ملتزمين بدينهم أكثر ممن لا يفعلون

    لكن المسأله فكريه . فنحن لا نريد أن يمتنع أبنائنا بسبب الخوف لا بالعكس فنريدهم ان يبتعدو عن كل هذا بسبب القناعة

    إذاً فالحل هو الإقناع .... لذا فلنأتي لطرق الإقناع

    انا أرى بان الاقناع ينتج عن حوار جدي واحترام من قبل الطرفين

    فلنرفع شعار الحوار بين الأهل والأبناء بين الصغار والكبار
    فلنرفع شعار الاختياريه بيننا ...

    نحن أيضاً نعاني انو حتى في عاداتنا وتقاليدنا ودينننا نستخدم الفرض

    لابد أن تكون شيعياً وليس سنياً ....
    لابد أن تكون سنياً وليس شيعياً ....
    لابد أن تكون مسلم وليس مسيحياً ...
    لابد أن تكون مسلم وليس كارفراً ...

    نعاني من الفرض مع ان الله يقول في ما معناه
    بأن الدين السماحه وبأن أختلافنا آيه من آياته ..

    ولكن لا أعلم لماذا بعض الناس تريد ان تزيل هذه الآيات هل المسأله عناد أم حب للدين !!
    ولو اني استبعد الثانيه ..

    فليس هناك من يحب الاسلام كثر النبي محمد صلى الله عليه وآله وسلم
    والنبي كان مسامحاً كان طيباً حنوناً عطوفاً

    ولو كان غليظاً فظاً .. لأنفض الناس من حوله وما تبعوه

    أشعر أني اطلت وما زال في جعبتي الكثير ..

    قايد الريم أثرت جروحاً ما زالت تنزف من يوم مولدي فشكراً لك

    تقبل مروري : وايم


    _________________
    avatar
    صمت الحزن
    عضو مبتدء
    عضو مبتدء

    السرطان الفأر
    عدد المساهمات : 38
    نقاط : 46
    تاريخ التسجيل : 08/09/2009
    العمر : 22
    الموقع : حساوي

    رد: الموظوع مهم وواقعي

    مُساهمة من طرف صمت الحزن في السبت سبتمبر 12, 2009 8:51 am

    مشكور على الموضوع المهم بس

    هذا موبس في السعوديه هذا

    في الخليج هذا الماشكله اكبرت بكثره

    طيب انا اشكرك على تنبه عن هذا الوضوع

    تحيات صمت الحزن
    avatar
    قايد الريم
    عضو مبتدء
    عضو مبتدء

    الاسد الثور
    عدد المساهمات : 14
    نقاط : 23
    تاريخ التسجيل : 11/09/2009
    العمر : 33

    رد: الموظوع مهم وواقعي

    مُساهمة من طرف قايد الريم في السبت سبتمبر 12, 2009 11:19 am

    وايم حيل حيل استفدت من رك بصراحه استفدت منه كثير



    صمت الحزن هذي الساعه المباركه الي شرفتنا بردودك

    وتحياتي للجميع
    avatar
    هيآ بنآ نمرح
    عضو مبتدء
    عضو مبتدء

    العذراء الثعبان
    عدد المساهمات : 30
    نقاط : 40
    تاريخ التسجيل : 21/09/2009
    العمر : 29

    رد: الموظوع مهم وواقعي

    مُساهمة من طرف هيآ بنآ نمرح في الأحد سبتمبر 27, 2009 11:56 am

    في نآس بس تحب تنتقد

    وكل حيآتهآ نقد ومسوين آننآ مآفينآ خير عـ قولتك

    ومن يجيهم آيميل فيه نقد يطيرو يرسلونه

    ومن يجي آيميل فيه مقآرنه بيننآ وبين غيرنآ كمآن طيرآن آرسلوه

    مدري ليه !!

    بس موضوعك حلو مشآء آلله Smile

    ويآآآآآآآليت آلنآس تتعظ >>> بتتعض بس لا تصآرخين

    وآلمشكه آن همآ لمآ يشوفو هذي آلايميلات وآلكلام آلي يطلع عليهم

    يقولو نآس غيرآآآنه

    مع آن مدري مين آلي بيغآر منهم كلنآ عندنآ آيآدي ورجول

    بس لو كل آنسآن يخآف آلله مآرآح يبدآ بتصوير هآلصور

    ومآرآح يبتدي آلقصه

    آلي غيره بينشرهآ ويسبب له فضيحه

    وآي نآشر لهلصور بآسم آلانتقآد عليه حرآم ومحآسب

    لانه سآهم في نشرهم آلي بينتقد ينتقد بدووون صور

    مثل مآ سويت هلا ^^

    وآريقآتو قوزآيمس ^^

    حلو موضوعك

    نعطيك نجمه

      الوقت/التاريخ الآن هو الثلاثاء سبتمبر 25, 2018 9:42 am