*ياَ لَيتَنِني ,:":":, طِفلٌ ,:":":, دائِماً علَى وَجهِي ,:":":, الإِبتِساَمَه ,:":":,

بسم الله الرحمن الرحيم



اعود لكم بعد انقطاع طويل ولذلك لاسباب خاصه ...


اولاً: ارحب بكم في ايقاع (*ياَ لَيتَنِني ,:":":, طِفلٌ ,:":":, دائِماً علَى وَجهِي ,:":":, الإِبتِساَمَه ,:":":,)

واتمنى ان تنال رضاكم



وثانياً: احب ان اشكر اخي وصديق وايــم على طرحه هذا الموضوع الرائع


بصراحه انا بتكلم بالفسحه بما انا هذا ايقاعي الخاص

وش رايكم ابدا بتعريف عن نفسي

البطاقة الشخصيه:
الاسم: امين
العمر: من مواليد 1990 ميلادي 1410 هجري
السكن: الأحساء
المهنه: طالب بمعهد الاداره العامه - تخصص محاسبة - بالرياض
لاتنسوني بدعواتكم كلها كم شهر ونشالله اتخرج

هواياتي:
انا اهوى كل شي جديد
ولكن بالاخص
الرسم - التصوير

اهتماماتي:
عالم السيارات
بالاخص السيارات الرياضية

الاشياء الي احبها بشكل عام:
الهدوء
افلام كوميديه - اكشن - دراما
واكيد توم ان جيري

تقريبا هذا امين اتمنى اكون صوره واضح
وان لم توضح ...

نشالله راح توضح مع الايام

لاتخافون مو كل يوم راح اعرف عن نفسي

طيب اخواني اخواتي

زي ماهو مطلوب من هذا القسم

انوا ماحد راح يقدر يرد على الموضوع

ولكن له القدره انوا يصوت على الموضوع

في ثلاث خيرات انا حاطها

ممتع

وسط

ممل

ذي تختارونها على حسب رايك للايقاع

طيب

انا راح ابدأ بالي ودي فيه حاليا

اليوم يا شباب ودي اني اطلع من الديره

اكيد بتقولون وين ساعتدك ودك تروح ؟

انا اقولكم

انا دايم ودي اروح اماكن تكون فيها طبيعه

او خلنا نقول اماكن ريفيه

بس مو عندنا بالخليج لا

بااوروبا و امريكا

طبعا وش الي يميز ذي المناطق

اكيد مو بس الطبيعه

فيها اشياء اكثيره ومنها

البيئه في المناطق الريفيه نظيفه جدا جدا جدا

مو شوارعنا كلها كربون من السيارات والشاحانات

وهم الناس الي عايشين في المناطق الريفيه

طبعهم ودودين بااكبر صووره

يفروحن اذا شافوا شخص جديد

وتعاملهم معه كانه واحد منهم وفيهم

هذا سبب حبي للاماكن الريفيه

طبعا الي ذكرني بهذا الموضوع

في واحد من اخوياي من الرياض

هو ماشالله عليه ولد نعمه

فا جلس يسولف معي عن سفراته

ورواني صوره وهو في الدوله الاوروبيه

فا هذا الانسان حمسني اني اطلع

واغير جو واكتشف وشو فيه في هذا العالم

من الاماكن الي الحلم اني ازورها

هي الـــنـــمــــســـا

طبعا ما اعرف احد راح فيها

بس شفت صور لها

قم الروعه

طبيعه تخلي الواحد يتمعن في قدرت رب العالمين

بصراحه كل ما اشوف صور النمسا

اتعب نفسياً

بس نشالله باذن الله انا رايح رايح لها

هذا الي كان بخاطري في هذا الوقت

ونشالله لنا لقاء في وقت اخر

محبكم امـــيـــن

ولا تنسون التصويت

بما اني في حاله ابغى اسافر

وانا اتنقل في الشبكة العنكبوتيه

شفت قصيده عجبتني حيل

خصوصا الحكم الي فيها

وهي للامام علي عليه السلام

وتقول القصيده :


تغرب عن الأوطان في طلب العلا...

وسافر ففي الأسفار خمس فوائـد


تفرج هم واكتســــاب معيشة...

وعلم وآداب وصحبة مـــاجد


فإن قيل في الأسفار هم وكربـة...

وتشتيت شمل وارتكاب الشدائـد


فموت الفتى خير له من حياتـه...

بدار هوان بين واش وحــاسد


ولنا لــقــاء فــي وقــت اخـــر

هلا فيكم اخواني

بعد ماكنت متونس وفي خاطري سفر وحركات

صار لي موقف البارح عكر مزاج 140 درجه

ان جيتوا لصراحه موقف يقهر

القصه انوا انا كنت جالس

مالي من الشيطان طريق

وطرا على بالي شخص من زمان ماسمعت صوته

قلت خلني اكلمه اشوف اخر اخباره

اتصلت عليه وياليتني ما اتصلت

الو سلام عليكم

الرد هلا هلا

اخبارك يابو فلان وش اعلومك

تمام انت اخبارك

يسرك الحال

((طبعا يالله اسمعه من الازعاج ))

قالي

وينك يافلان مانشوفك

قتله والله انا زعلان عليك لاتصال ولاخبر
خير نشالله

تتوقعون وش كان الرد


قوووووووول صح عليك يالاتحاد

وانا الو الو الو

وهو صح يالاتحاد

يعني رما الجوال ونساني

بالله مو شي يقهر

مو شي يحسس اني انسان تافه

انا بعد ذي الحركه سكرت وانا مبتسم من الخيبه

مو مستوعب الي صار

حسيت اني احقر انسان على جه الارض

المشكله هي مو معرفت يوم وله يومين

اعرفه اكثر من 6 سنين

طبعا بعد ماسكرت كان اهذا الكلام على الساعه 8 بالليل تقريبا

ما جاه منه اتصال يعتذر ولا كانه صار شي

جاني اتصال منه وانا نايم على الساعه 12 بالليل

بالله ياعالم وش اسوي لهذا الادمي

يمكن بعضكم يقول عادي
او مشيها

والبعض يقول لا تلومه يشجع فريقه وفرحان بالهدف

ماقلنا شي بس على الاقل لمن كان يتابع المباراه يا انه عطاني مشغول

او رد وقالي انا اتابع المباراه اكلمك بعد ماتنتهي

ياشيخ لا يدق علي يقول بس دق علي بعد ساعه

ياشباب انا مدري هل انا حساس وله الي سواه شي فعلا يقهر

حنا نتعامل مع ناس بشكل يومي

لابد يكون هناك فيه احترام

لابد يكون فيه اسلوب

يعني اذا جاك اتصال وانت في مكان فيه ازعاج
ياخي حس على نفسك وقوم كلم في مكان هادئ

ياخي تحسس الي متصل عليك انك ماودك تكلمه

ياناس والله الاحترام يسوى كل شي

والله اني عشان الاحترام ادفع كل الي املكه بس الاحترام

الى متى بنتم على اسلوب (( لا عادي هو خويي ))

حتى لو كانت الميانه طايحه يبقى فيه احترام وتقدير

والله اني من القهر ماعرفت وين افضي الي في صدري

قلت مالي اله اقاعي


فا يا اخواني يا اخواتي

اذا جاكم اتصال من احد بين احترامك له بالرد بكلام يليق بمقام المتصل

اذا كنت في مكان في ازعاج قوم لمكان هادئ

ذي تعني الكثير

لو حصل وانك ما قدرت تروح لمكان هادئ

ياخي كلمه واعتذر منه

بالحركه اذا حنا نرفع من انفسنا

وهذا كل الي عندي لكم وسلامتك

ونشالله لنا لقاء اخر ...